జబర్దస్త్ నుంచి రోజా వెళ్లిపోయిన తర్వాత జడ్డిగా ఆ బాధ్యతను సీనియర్ నటి ఇంద్రజ మోస్తున్నారు. రోజా లేకపోయినా ఆ లోటు లేకుండా శ్రీదేవి డ్రామా కంపెనీ, జబర్దస్త్‌ క్రేజ్ ఏమాత్రం తగ్గకుండా బాగానే మేనేజ్ చేస్తున్నారు ఈ సీనియర్ బ్యూటీ. తాజాగా ఇంద్రజ ఇన్‌స్టాగ్రామ్‌లో ఓ ఇంట్రెస్టింగ్ పోస్ట్ పెట్టారు. పుట్టపర్తి సాయిబాబా తనను కరుణించారంటూ చెప్పుకొచ్చారు.

పుట్టపర్తి సాయిబాబా వీడియో పక్కనే తన వీడియో ఉన్న ఓ స్క్రీన్‌షాట్‌ను ఇంద్రజ షేర్ చేశారు. దాని గురంచి ఫ్యాన్స్‌తో తన అభిప్రాయాన్ని పంచుకున్నారు.

“ఇది నాకు చాలా స్పెషల్ ఫొటో. ఎందుకంటే.. యూట్యూబ్‌లో అలా సెర్చ్ చేస్తున్నప్పుడు.. షార్ట్ వీడియోల వచ్చాయి. అందులో ఇటువైపు నేను నవ్వుతున్నట్లు.. స్వామి అంటే నేను ఎవరినైతే రోజూ పూజిస్తానో.. ఆ స్వామి వచ్చేసి.. ఒక ఫేస్ అటువైపు,. ఇంకొక ఫేస్ చూడండి నావైపు తిప్పినట్లు ఉంది. ఓమై గాడ్.. ఎంత హ్యాపీ అనిపించిందంటే.. వెంటనే మీ అందరితో షేర్ చేసుకోవాలనిపించింది. ఈ ఫొటో అయితే నాకు చాలా స్పెషల్ అనిపించింది. ఐ యామ్ సో హ్యాపీ.”
– ఇంద్రజ
నెటిజన్ల రియాక్షన్

ఈ వీడియో కింద నెటిజన్లు ఒక్కొక్కరు ఒక్కోలా రియాక్ట్ అవుతున్నారు. కొంతమంది “అవును మేడమ్ నిజమే” అంటూ కామెంట్లు పెట్టగా మరికొందరు “మీరు ధన్యులు” అంటూ రియాక్ట్ అయ్యారు. మరికొంతమంది మాత్రం “అందులో ఏముంది” అంటూ కొశ్చన్ మార్క్ పెట్టారు.

ప్రస్తుతం జబర్దస్త్, శ్రీదేవి డ్రామా కంపెనీ రెండు షోలకు ఇంద్రజ జడ్జిగా వ్యవహరిస్తున్నారు. వీటితో పాటు అప్పుడప్పుడూ జరిగే ఫెస్టివల్ షోలలో కూడా సందడి చేస్తున్నారు. దీంతో రోజా ప్లేస్‌ను ఇంద్రజ బాగానే భర్తీ చేశారు. అందులోనూ డ్యాన్స్ కూడా బాగానే చేయడంతో ఫ్యాన్స్ కూడా ఈ సీనియర్ బ్యూటీని బాగానే స్వాగతిస్తున్నారు.

వ్యూయర్‌షిప్

అయితే ఇంద్రజ వచ్చిన తర్వాత జబర్దస్త్ వ్యూయర్ షిప్ పెరిగిందని కొంతమంది అంటుంటే.. లేదు తగ్గిందని కొందరు వాదిస్తున్నారు. ముఖ్యంగా సుడిగాలి సుధీర్ వెళ్లిపోవడంతో భారీగా వ్యూస్ తగ్గాయని వార్తలు వస్తున్నాయి. దీని గురించి ఇటీవల ఇచ్చిన ఓ ఇంటర్వ్యూలో ప్రశ్నించగా.. ఇంద్రజ సమాధానం చెప్పడానికి నిరాకరించారు. తన గురించి ఏం అడిగినా చెబుతానని.. వేరొకరి విషయాలు తాను మాట్లాడనని సూటిగా చెప్పేశారు. కానీ జబర్దస్త్ షో క్రేజ్ అలానే ఉందని ఎప్పటికీ అలానే ఉంటుందన్నారు. సుధీర్ లాంటి ఎంటర్‌టైనర్‌ను మిస్ అవుతున్నట్లు మాత్రం ఒప్పుకున్నారు.