Mahesh.thehero 

పెద్దయ్యా పెద్దయ్యా …… కళ్ళు మూసుకోకండి నన్ను చూడండి నన్ను చూడండి మీకేమీ కాదు మీకేమీ కాదు హాస్పిటల్ కు వెళుతున్నాము అంటూ బుగ్గలను స్పృశిస్తూ కళ్ళు మూతలుపడకుండా ప్రయత్నిస్తున్నాను .
పెద్దయ్య : తల్లి నా తల్లి తల్లి బాబూ …… నా తల్లి అంటూ కలవరిస్తున్నారు .
ఏమిటో అర్థం కాక పెద్దయ్యా …… ఇలానే స్పృహలో ఉండండి అంటూ అరచేతిలో చేతినివేసి ధైర్యాన్ని ఇస్తున్నాను .
చెప్పినట్లుగానే నిమిషానికొక కిలోమీటర్ దాటినట్లు 15 నిమిషాలలో హాస్పిటల్ చేరుకుని నేరుగా తీసుకెళ్లి బస్సుని అత్యవసర విభాగం దగ్గర ఆపాడు .
ప్రయాణీకులు సహాయం చెయ్యడంతో జాగ్రత్తగా ఎత్తుకుని కిందకుదిగి స్ట్రెచర్ పై పడుకోబెట్టాము .
హాస్పిటల్ స్టాఫ్ …… వేగంగా ICU కు తీసుకెళ్లారు . వెనుకే వెళ్ళాను – కొంతమంది తోడుగా వచ్చారు .
కండక్టర్ వచ్చి నా బ్యాగు అందించి ప్రయాణీకులంతా వేచిచూస్తున్నారు వెళ్లక తప్పదు బాబూ , పెద్దాయనకు ఏమీకాకూడదని దేవుణ్ణి ప్రార్థిస్తున్నాను అని వెళ్లారు – తోడుగా వచ్చిన ప్రయాణీకులు కూడా భుజం తట్టి వెళ్లిపోయారు . 

హాస్పిటల్ స్టాఫ్ ఒకరు లోపలికివచ్చి ట్రీట్మెంట్ బిల్ సర్ అంటూ రిసిప్ట్ ఇచ్చి కౌంటర్ లో పే చెయ్యండి అనిచెప్పి వెళ్ళిపోయాడు .
తమ్ముడు జేబులన్నీ వెతికి కంగారులో డబ్బు మరిచిపోయాను అంటూ మెడలో ఉన్న చైన్ తియ్యబోయాడు .
తమ్ముడూ …… ఆగు నేను పే చేస్తాను .
కృష్ణ : సర్ …… ఇప్పటికే మీరు ……
పర్లేదు తమ్ముడూ , నువ్వు …… నాన్నగారి దగ్గర ఉండు పే చేసి వస్తాను కావాలంటే ఇంటికివెళ్లాక ఇవ్వు ( ఆ బుజ్జితల్లి …… నా బుజ్జితల్లి ఏమో చూడాలికదా – చూసి ఇప్పటికే గంట పైనే అయ్యింది , ఈ హృదయం ఎలా తట్టుకొంటోందో ఏమిటో ) అని లేచాను .
పెద్దయ్య ….. చేతులకు కట్లు ఉన్నా దండం పెట్టడానికి ప్రయత్నించారు . పెద్దయ్యా ……. మీరు పెద్దవారు , మమ్మల్ని ఆశీర్వదించాలి కానీ ఇలా చెయ్యకూడదు అని ఆపి వెళ్లి కౌంటర్ లో పే చేసివచ్చి ICU బయటే కూర్చున్నాను .
10 నిమిషాల తరువాత కృష్ణ బయటకువచ్చి రెస్ట్ తీసుకుంటున్నారు సర్ అని ప్రక్కన కూర్చున్నాడు . సర్ ……. ఆక్సిడెంట్ ఎలా జరిగింది .
జరిగింది వివరించాను . 
కృష్ణ : సర్ ……. మీరు నిజంగా దేవుడు – మీరు చూడకపోయుంటే మరింత ఆలస్యం అయ్యేది – నాన్నగారికి ఏమైనా జరిగిఉంటే అమ్మ – అక్కయ్య – బుజ్జితల్లి అంటూ కన్నీళ్లు కారుస్తున్నాడు .
అంతా దైవేచ్చ కృష్ణా ……. , బాధపడకు త్వరలోనే కోలుకుంటారు అని ధైర్యం చెప్పాను .

కృష్ణ మొబైల్ మ్రోగడంతో తీసి చూసి , సర్ …… అక్కయ్య చేస్తోంది ఖచ్చితంగా బుజ్జితల్లినే చేయించి ఉంటుంది తాతయ్యను అడుగుతుంది అని మరింత కంగారుపడిపోతున్నాడు .
భుజంపై చేతినివేసి మాట్లాడమని ధైర్యం చెప్పాను .
కృష్ణ : సరే సర్ అంటూ ఎత్తాడు . ” మావయ్యా …… ” స్పీకర్ మూసి బుజ్జితల్లే సర్ …… , బుజ్జితల్లీ …… అమ్మకు ఇవ్వు – తాతయ్యనా …… తాతయ్య తాతయ్య ఇక్కడే నాదగ్గరే ఉన్నారు – మాట్లాడాలా …… ? అదీ అదీ పనిలో ఉన్నారు బుజ్జితల్లీ ……. అమ్మకు ఇవ్వు బంగారూ ……. , అక్కయ్యా …… మీరు టిఫిన్ తినండి ఆలస్యం అవుతుంది వచ్చేస్తాము కదా ……. , సరే సరే వీలైనంత తొందరగా వచ్చేస్తాము అని కట్ చేసి హమ్మయ్యా …… అనుకున్నాడు . 
మంచిపనిచేశావు కృష్ణా …… లేకపోతే పెద్దయ్యను చూసేంతవరకూ కంగారుపడతారు . 
కృష్ణ : అదే భయంగా ఉంది సర్ ……. అక్కయ్య – బుజ్జితల్లి – అమ్మ – ఊరి జనం …. చెప్పనేలేదు కదూ మా ఊరి పెద్ద మా నాన్నగారే సర్ , నాన్నగారి మాటంటే అందరికీ గౌరవం , సర్పంచి కూడా నాన్నగారు చెప్పినట్లే వింటారు .
అందరి ఆశీస్సులు ఉండటం వల్లనే మీ నాన్నగారికి ఏమీకాలేదు . ఆయన ఇక్కడ హాస్పిటల్లో ఉండటం కంటే అంతమంది ఆత్మీయుల మధ్యనే త్వరగా కోలుకుంటారు .

10 గంటల సమయంలో నర్స్ బయటకువచ్చి సర్ …… మిమ్మల్ని పిలుస్తున్నారు .
లోపలికివెళ్లాము .
పెద్దయ్య : నాన్నా కృష్ణా ……. హాస్పిటల్ నాకు పడదని తెలుసుకదా , మత్తు మొత్తం పోయినట్లుంది – నన్ను తొందరగా నా బుజ్జితల్లి దగ్గరకు తీసుకెళ్లు చూడు చేతులు – కాళ్ళు కదిలిస్తున్నాను అని పిల్లాడిలా బ్రతిమాలుతున్నారు – లేవడానికి ప్రయత్నిస్తున్నారు .
నాకు – కృష్ణకు మరియు నర్సుకు కూడా నవ్వు వచ్చేసింది . పెద్దయ్యా ……. ఒక్క నిమిషం ఆగండి డాక్టర్ ను పిలుచుకునివస్తాను , వారు పర్లేదు అంటే మరుక్షణమే తీసుకెళ్లిపోతాము ( బుజ్జితల్లి ఎవరో చూడకుండా మిమ్మల్ని వదిలి వెళ్ళేది లేదు ) .
నర్స్ : సర్ ….. ఆగండి నేను పిలుచుకునివస్తాను అని వెళ్ళి డాక్టర్ తోపాటు వచ్చారు .

డాక్టర్ గారిని ఆడిగేలోపు …… , డాక్టర్ డాక్టర్ …… నేను బానే ఉన్నాను , నొప్పులేమీ లేవు – నన్ను ఇంటికి పంపించేయ్యండి ఇక్కడ భయం వేస్తోంది అంటూ అటూ ఇటూ కదులుతున్నారు పెద్దయ్య .
కృష్ణ : నాన్నగారూ ……. సైలెంట్ గా ఉండండి , ఆ విషయం చెప్పాల్సినది డాక్టర్ గారు . డాక్టర్ గారూ …… 
డాక్టర్ : త్వరగానే కోలుకున్నారు పెద్దయ్యా …… . పొలం పనులు చేసినవాళ్ళు కదా చూస్తేనే తెలిసిపోతోంది – పేషెంట్ కు ఎక్కడ ఇష్టమో అక్కడికే తీసుకెళ్లండి .
కృష్ణ : డాక్టర్ గారూ …….
డాక్టర్ : కంగారుపడాల్సిన అవసరమే లేదు , కావాల్సినది రెస్ట్ తీసుకోవడం అదేదో ఆయన ఇష్టప్రకారం ఇంటిలోనే తీసుకోవచ్చు , అలా అయితేనే ఆత్మీయుల మధ్యన మరింత త్వరగా కోలుకుంటారు – మందులు రాసిస్తాను , డ్రెస్సింగ్ కోసం రెండు రోజులకొకసారి పిలుచుకునివస్తే సరిపోతుంది – డిశ్చార్జ్ చేస్తున్నట్లు సంతకం చేశారు . 

కృష్ణ : థాంక్యూ డాక్టర్ గారూ ……..
డాక్టర్ : థాంక్స్ మీ నాన్నగారిని సేవ్ చేసినవారికి చెప్పండి – ట్రీట్మెంట్ చేసినందుకు మేము ఫీజ్ తీసుకున్నాము కదా ……..
డాక్టర్ గారూ …… అవన్నీ అయిపోయాయి – ఇప్పుడు మళ్లీ మొదటికి వస్తారు కృష్ణా ……. స్టార్ట్ చెయ్యకు .
కృష్ణ : అలాగే సర్ అంటూ పెదాలపై నవ్వుతూ …… , నాన్నగారూ …… సంతోషమే కదా , మీ ఇష్టప్రకారమే ఇంటికి వెళదాము – అంబులెన్స్ ను సెట్ చేస్తాను .
పెద్దయ్య : అంబులెన్స్ లో వెళితే మీ అక్కయ్య – అమ్మ – మన బుజ్జితల్లి భయపడిపోతారు , బండి తెచ్చావుకదా వెనుక కూర్చుంటాను .
భలేవారు పెద్దయ్యా ……. ఇంకేమైనా ఉందా , కృష్ణా …… మందుల రిసిప్ట్ ఇవ్వు , మందులు తీసుకుని క్యాబ్ తీసుకొస్తాను – అంతలోపు నాన్నగారిని వీల్ చైర్ లో బయటకు తీసుకురా ……..
కృష్ణ : అలాగే సర్ అంటూ రిసిప్ట్ ఇచ్చాడు . 
హాస్పిటల్లోని మెడికల్ షాప్ లో మెడిసిన్ తీసుకుని , బయటకువెళ్లి క్యాబ్ బుక్ చేసుకుని వచ్చాను .
కృష్ణ : చూడండి సర్ …… వీల్ చైర్ వద్దు నడుస్తాను అన్నారు . బ్రతిమిలాడి వీల్ చైర్లో తీసుకురావాల్సి వచ్చింది .
పెద్దయ్యా …… త్వరగా కోలుకోవాలంటే తప్పదు అని జాగ్రత్తగా వెహికల్లో కూర్చోబెట్టాను . 
పెద్దయ్య : అదికాదు బాబూ …… ఇంటిదగ్గర చాలా పనులున్నాయి . ఇంతకీ చెప్పనేలేదు కదూ మావాడి పెళ్లి , ఈపాటికి పెళ్ళికొడుకుని చేయాల్సింది ……. అందరూ కంగారుపడుతుంటారు .
కృష్ణ : పర్లేదు నాన్నగారూ …… కావాలంటే పెళ్లిని పోస్ట్ ఫోన్ చేయిద్దాము – మీరు కోలుకోవడం ముఖ్యం – అమ్మ అక్కయ్య నుండి ఈపాటికి 100 పైనే కాల్స్ వచ్చాయి – వస్తున్నాము అని మెసేజ్ పెడుతున్నాను కానీ మాట్లాడే ధైర్యం లేదు .
పెద్దయ్య : వద్దు వద్దు కృష్ణా …… , నేనంటే ఎంత ఇష్టమో నాకు తెలియదా , అయినా నాకేమైంది – కట్లు విప్పి పెళ్ళిపనులు చెయ్యడానికి రెడీగా ఉన్నాను – మనసులో ఏమీ పెట్టుకోకు , నిన్ను ఎంత ప్రేమించింది ఆ పిల్ల నా కోడలు , నా వలన పెళ్లి ఆపడం నాకు ఏమాత్రం ఇష్టం లేదు , మన ఇంటికీ మంచిదికాదు – ఏదీ మొబైల్ ఇవ్వు అని కాల్ చేశారు , అయ్యో ……. వచ్చేస్తున్నాము తల్లీ …… మీరు మొదలుపెట్టండి 15 నిమిషాలలో అక్కడ ఉంటాము . కృష్ణా ……. ఏర్పాట్లన్నీ రెడీ పదా వెళదాము .
( బుజ్జితల్లి – పెళ్లి ……. యాహూ …… నా దేవత దగ్గరకే వెళుతున్నాము ) కృష్ణా …… బైక్ ఎక్కడ నేను ఫాలో అవుతాను .
కృష్ణ : నో నో నో సర్ …… , బండి ఎక్కడికీ వెల్లదు మీరు కారులో కూర్చోండి అని ముగ్గురమూ బయలుదేరాము .

పెద్దయ్యను ఏ మెయిన్ రోడ్డులోనైతే వైజాగ్ హాస్పిటల్ కు చేర్చానో అదే రోడ్డులో వెనక్కువచ్చి ఆక్సిడెంట్ అయిన ప్లేస్ కు 100 అడుగుల దూరంలో రైట్ సైడ్ మట్టి రోడ్డు ద్వారా లోపలికి పోనివ్వమని డ్రైవర్ కు చెప్పాడు కృష్ణ .
కృష్ణా ……. అదిగో అక్కడే మీ నాన్నగారిని చూసాను – మొబైల్ అక్కడే పడి ఉంటుంది . 
కృష్ణ : డ్రైవర్ …… అక్కడికి పోనివ్వండి .
పెద్దయ్య : కృష్ణా …… నాకు మళ్లీ చూడాలని లేదు – నువ్వు వెళ్లు – బండిని కూడా అక్కడే వదిలేసెయ్యి – ఇక జీవితంలో ఆ బండిని చూడకూడదు .
కృష్ణ : అలాగే నాన్నగారూ అంటూ కిందకుదిగాడు .
వెనుకే వెళ్లి ఆ ప్రాంతమంతా వెతికినా – రింగ్ చేసినా ఉపయోగం లేకపోయింది . వదిలెయ్యండి సర్ వెళదాము , ఈ బుల్లెట్ బండి అంటే నాన్నగారికి చాలా ఇష్టం – ఎప్పుడూ ఇలా జరగలేదు అని బాధపడుతూ కారులోకి చేరాము .

పెద్దయ్యా ……. బుల్లెట్ ను బాగా నడుపుతారని కృష్ణ చెప్పాడు , ఇంతకీ ఎలా జరిగింది .
పెద్దయ్య : ఉదయం 5 గంటలకు నా బిడ్డ – మనవరాలు బెంగళూరు నుండి వస్తున్నారని తెలిసి తీసుకెళ్లడానికి సంతోషంగా బస్ స్టాండ్ కు బయలుదేరాను . మట్టి రోడ్డు నుండి ఇక్కడ టర్న్ అవ్వగానే రాంగ్ రూట్ లో వస్తున్న లారీని తప్పించబోయి చివరన ఢీకొట్టాను – ఎలా కిందపడ్డానో తెలియదు , దేవుడిలా వచ్చి పెద్దయ్యా పెద్దయ్యా అంటూ నన్ను పలకరించి కాపాడటమే గుర్తు అంటూ మళ్లీ దండం పెట్టారు .
పెద్దయ్యా ……. కృష్ణ …… నువ్వుకూడానా ? , మొదలెట్టేశారా ….. ?  అంటూ నవ్వుకున్నాము . 

పెద్దయ్యా – కృష్ణా ……. మిమ్మల్ని రక్షించిన బస్సులోనే మీ అమ్మాయి మహి – బుజ్జితల్లి కీర్తీ బెంగళూరు నుండి వచ్చారు .
పెద్దయ్య : మహి – కీర్తీ ……. మీకెలా? , అంటే ట్రైన్ మిస్ అవ్వడంతో బెంగళూరు నుండి మా వాళ్ళను క్షేమంగా తీసుకొచ్చిన దేవుడు కూడా మీరేనా ? .
షాక్ – మీకెలా తెలుసు పెద్దయ్యా ……. 
పెద్దయ్య : నా కూతురు కాల్ చేసిన ప్రతీసారీ చెప్పింది మీ గురించి , నాన్నగారూ ….. మీరేమీ కంగారుపడకండి దేవుడి లాంటి వ్యక్తి తోడుగా వస్తున్నారని .
మరొక స్వీట్ షాక్ , పెద్దయ్యా ……. మహి గారు నిజంగానే దేవుడు అన్నారా …… ? లేక మీరు ……..
కృష్ణ : నాతో కూడా చెప్పారు సర్ – దేవుడు అనలేదు కానీ ఇంచుమించు అదే అర్థం వచ్చేలా చెప్పారు . అప్పటికి కానీ మాకు కంగారు తగ్గలేదు – అంతదూరం నుండి ఒంటరిగా అంటే చాలా చాలా భయం వేసింది . అక్కయ్య – మా ప్రాణమైన బుజ్జితల్లిని క్షేమంగా తీసుకొచ్చినందుకు గానూ థాంక్యూ థాంక్యూ sooooo మచ్ సర్ ……. , సర్ …… ఇదే మా చిన్న ఊరు – ఊరు చిన్నదే అయినా ప్రేమ , ఆప్యాయతలలో చాలా చాలా పెద్దది . మేమిద్దరు దేవుడు అని దండాలు పెడితేనే ఇబ్బందిగా ఫీల్ అయ్యారు – నాన్నగారిని కాపాడారని తెలిస్తే ఊరంతా ……. చెప్పను మరొకనిమిషంలో మీరే చూస్తారుకదా అని పెద్దయ్యతోపాటు నవ్వుతున్నాడు . అంతలోనే క్యాబ్ పెళ్లి పందిరి – తోరణాలు – షామియానా మరియు చిరునవ్వులు చిందిస్తున్న జనాలు గల ఇంటి ముందు ఆగింది .
పెద్దయ్య : కృష్ణా …… ఆక్సిడెంట్ అని చెప్పకు తట్టుకోలేరు , బుల్లెట్ నుండి కిందపడ్డాను అని చెప్పు – బాబూ …… నువ్వుకూడా …….
నిజం చెప్పి అంతమందిని బాధపెట్టడం నాకూ ఇష్టం లేదు పెద్దయ్యా – జరిగినదేదో జరిగిపోయింది , మంచి నిర్ణయం తీసుకున్నారు .

నా గుండె వేగంగా కొట్టుకోవడంతో నా దేవత – బుజ్జి ఏంజెల్ కోసం కళ్ళు ఆతృతతో వెతకసాగాయి – అదిగో నా బుజ్జి ఏంజెల్ ……. బుజ్జి బుజ్జి పిల్లలతో చిరునవ్వులు చిందిస్తూ బుజ్జిబుజ్జిపరుగుతో ఆడుకోవడం చూసి మనసు శాంతించింది .
అంతలో వెనుక పెద్దయ్య ప్రక్కన కూర్చున్న కృష్ణ ….. క్యాబ్ దిగగానే నేనూ దిగాను పెద్దయ్యను పట్టుకోవడానికి …….
బయట బుజ్జిబుజ్జి పిల్లలతో ఆడుకుంటున్న బుజ్జి ఏంజెల్ చూసి మమ్మీ – అమ్మమ్మా ……. తాతయ్య వచ్చారు అంటూ సంతోషంతో పరుగునవస్తూ , తన తాతయ్య వొళ్ళంతా కట్లను చూసి మమ్మీ – అమ్మమ్మా …… అంటూ ఏడుస్తూ కేకలువేసింది .

ఆ పాటికే పెళ్ళికొడుకు శాస్త్రం కోసం వచ్చిన ఊరిజనం చూసి కంగారుపడుతూ అయ్యా – పెద్దయ్యా – అన్నా ……. ఏమైంది అంటూ తలా ఒకచెయ్యివేసి లోపలికి నడిపించుకుపోతుంటే …….. 
పెద్దయ్య ఆపి నాకేమీ కాలేదులే ఇప్పటికే పెళ్లి పనులు ఆలస్యం అయ్యాయి బయటే కూర్చోబెట్టమన్నారు .
నిమిషంలో చెక్క మంచం మెత్తగా రెడీ చేసి కూర్చోబెట్టి , ఏమైంది ఏమైంది చాలా దెబ్బలు తగిలాయి అంటూ బాధపడుతూ చుట్టూ చేరారు .
బుజ్జితల్లీ బుజ్జితల్లీ …… ఏడుస్తున్న బుజ్జితల్లిని పిలిచి ఒడిలో కూర్చోబెట్టుకోబోతుంటే …….
బుజ్జితల్లి : వద్దు తాతయ్యా ……. మీకు నొప్పివేస్తుంది .
పెద్దయ్య : నా బంగారం తాతయ్య అంటే ప్రాణం అంటూ ప్రక్కన కూర్చోబెట్టుకుని కన్నీళ్లు తుడిచారు .
బుజ్జితల్లి : తాతయ్యా ……. ఏమైంది అంటూ బుజ్జి కన్నీళ్ళతో అడిగింది .
అంతలో దేవత – దేవత అమ్మగారు వచ్చి చూసి కన్నీళ్ళతో ప్రక్కన చేరారు .
పెద్దయ్య : బుజ్జితల్లీ – తల్లీ – శ్రీమతిగారూ ……. ఏమీకాదు చూడండి నవ్వుతున్నాను .
దేవత : కన్నీళ్ళతో తమ్ముడూ ఏమైందిరా …… ? .
జనాలు : కృష్ణా ఏమైంది ఏమైంది ………
కృష్ణ : తెల్లవారుఘామున బస్ స్టాండ్ కు వెళుతూ …… లారీ ……
అందరూ : లారీనా ……. అంటూ మరింత కంగారుపడిపోతున్నారు .
కృష్ణ : లేదు లేదు మన రోడ్ టర్నింగ్ లో లారీ లైట్స్ సడెన్ గా పడటంతో పట్టుతప్పి రోడ్డు ప్రక్కనే ఉన్న గడ్డిలో పడ్డారు .
పెద్దయ్య : అంతే అంతే పొదల్లోకి వెళ్లిపోవడం వలన చిన్న చిన్న దెబ్బలు తగిలాయి అంతే ……..
కృష్ణ : నాన్నగారు స్పృహకోల్పోయి పడి ఉండటం , బస్సులో వెళుతున్న ఈ అన్నయ్య చూసి సమయానికి హాస్పిటల్ కు తీసుకెళ్లి బ్లడ్ ఇచ్చి కాపాడారు .

బుజ్జితల్లి : అంకుల్ ……. అంటూ పరుగునవచ్చి హత్తుకుంది .
కీర్తీ తల్లీ …… అంటూ ప్రాణంలా ఎత్తుకోగానే , థాంక్యూ థాంక్యూ అంకుల్ అంటూ ముద్దులుపెడుతూనే ఉంది .
కృష్ణ చెప్పినట్లుగానే దేవత అమ్మగారు – చుట్టూ జనమంతా థాంక్యూ థాంక్యూ బాబూ – తమ్ముడూ ……. అంటూ దండాలు పెడుతున్నారు .
దేవత అయితే నావైపు ఆరాధనతో చూస్తున్నారు – కన్నీళ్ళతో రెండు చేతులు జోడించి నమస్కరించారు .
పెద్దయ్య ……. దేవత నుదుటిపై ముద్దుపెట్టి , చూస్తున్నావుగా బాబూ …… మేము చెప్పినదే నిజమైంది కదూ అంటూ నవ్వుతూ చెప్పారు .
వీరి ఆప్యాయతలలో మీ మంచితనం తెలుస్తోంది పెద్దయ్యా …… , వీరంతా మీ చుట్టూ ఉండగా మీకేమీ కాదు .

సర్ సర్ …… క్యాబ్ ఫేర్ ఇస్తే వెళతాను అని డ్రైవర్ అడగలేక అడిగాడు .
Sorry sorry బ్రదర్ …… అంటూ బుజ్జితల్లిని ఎత్తుకునే పర్సు తీసేంతలో – కృష్ణ లోపలికివెళ్లి డబ్బు తీసుకొచ్చేన్తలో ……. 
ఎంత బాబూ ఎంత అంటూ ఊరిజనం పోటీపడుతూ ఇచ్చి పంపించారు . బాబూ ……. ఎంతసేపని నిలబడతారు కూర్చో …… – మా పెద్దయ్యను కాపాడిన మీరు , మాకు దేవుడితో సమానం అంటూ కుర్చీలు వేశారు . 
పర్లేదు అండీ ఇక నేను వెళతాను అని దేవత రియాక్షన్ కోసం చూసాను .
అంకుల్ అంటూ బుజ్జితల్లి బుజ్జిచేతులతో నా నోటిని మూసింది – దేవత కళ్ళల్లో రెండు భావాలు ( వెళ్లిపో – ఉండిపో ) – బాబూ …… పెళ్లి చూసుకుని వెళ్లు అని ఊరిజనం – అవును బాబూ ……. పెళ్లి చూసుకుని మా ఆతిథ్యం స్వీకరించి మీకిష్టమైనన్ని రోజులు ఉండండి , మిమ్మల్ని సేవించుకుని కాస్తయినా రుణం తీర్చుకునే అవకాశం కల్పించు బాబూ అంటూ పెద్దయ్య వారి శ్రీమతి కోరారు .
కృష్ణ : నాన్నగారూ …… ఈ పరిస్థితుల్లో పెళ్లి చేసుకోవడం …….
పెద్దయ్య : నాన్నా …… కృష్ణా ……. పెళ్లి అంటే మనవైపు నిర్ణయం మాత్రమే కాదు – ఎప్పుడెప్పుడా అని ఆశతో ఎదురుచూస్తున్న ఆ అమ్మాయిని బాధపెట్టకూడదు . ఇప్పటికిప్పుడు లేచి పెళ్ళిపనులు చెయ్యడానికి నేను రెడీగా ఉన్నాను . 
కృష్ణా …… సహాయం చేయడానికి మేమూ ఉన్నాము కదా …….
పెద్దయ్య : ఇంకేమిటి కృష్ణా …….. , ఇంతమందికి ఆదర్శప్రాయమైన మనమే ఇలా చెయ్యకూడదు .
కృష్ణ : అయితే మీ ఇష్టం నాన్నగారూ …….
పెద్దయ్య : శ్రీమతి గారూ – తల్లీ ……. పెళ్ళికొడుకుని చెయ్యడానికి అన్నీ సిద్ధమేకదా ………
దేవత కన్నీళ్లను తుడుచుకుని , రెడీ చేసాము నాన్నగారూ ……..
పెద్దయ్య : ఇక ఏమాత్రం ఆలస్యం చెయ్యకండి , గుడికి వెళ్లి పెళ్లి పందిరి కోసం ఉంచిన వాటికి పూజచేసి తీసుకొచ్చి నీ తమ్ముడిని పెళ్ళికొడుకుని చెయ్యి తల్లీ ……
కృష్ణ : అన్నయ్యా ……. మీరెక్కడకూ వెళ్ళడానికి వీలులేదు , నాన్నగారు చెప్పినట్లు పెళ్లి – ఆతిథ్యం స్వీకరించాల్సిందే ……..
బుజ్జితల్లీ …… వెళ్ళిపొమ్మన్నావు కదా …….
బుజ్జితల్లి : మళ్లీ నోటిని మూసేసి ప్రాణంలా ముద్దుపెట్టి sorry అంకుల్ అంటూ గట్టిగా హత్తుకుంది .
దేవత ……. నాదగ్గరికివచ్చి , ఉండండి మహేష్ గారూ అనిచెప్పి లోపలికి వెళ్లిపోయారు . 
యాహూ ……. అంటూ లోలోపలే సంతోషంతో కేకలువేసి , బుజ్జితల్లిని ఎత్తుకుని పెద్దయ్య దగ్గరకువెళ్లి , పెద్దయ్యా …… కంఫర్ట్ గా ఉందా అని నొప్పిలేకుండా కూర్చునేలా చేసాను .
థాంక్యూ అంకుల్ అంటూ బుజ్జితల్లి సంతోషంతో పదేపదే ముద్దులుపెడుతోంది – ప్రాణంలా హత్తుకుంటోంది .

బుజ్జితల్లి అమ్మమ్మ గారు వచ్చి , బాబూ ….. రాత్రంతా ప్రయాణం – ఉదయం నుండీ హాస్పిటల్లోనే ఉన్నావట కదా లోపలికివచ్చి స్నానం చెయ్యి బాబూ ……. 
పెద్దమ్మా …… ఎవరు చెప్పారు ? .
పెద్దమ్మ : నా కూతురు చెప్పింది బాబూ …… నా కూతురిని జాగ్రత్తగాతీసుకొచ్చావు – నా భర్తను కాపాడి పెళ్లి జరుగుతోంది అంటే నీవల్లనే – మా దేవుడితో సమానం , ముందు లోపలికి రా బాబూ నీ ఇల్లే అనుకో , పై గదికి వెళ్లు ఎవ్వరూ ఉండరు అంటూ బుజ్జితల్లిని అందుకోబోయారు .
బుజ్జితల్లి : ఊహూ …… అంకుల్ తోనే ఉంటాను – పైకి నేను తీసుకెళతాను అని ముద్దుముద్దుగా ముద్దులుపెట్టి గట్టిగా హత్తుకుని చెప్పింది . అంకుల్ స్నానం చేసేవరకూ బెడ్ పైననే బుద్ధిగా కూర్చుంటాను .
బుజ్జితల్లి నా బుజ్జితల్లి మాటలకు ఎంత ఆనందం వేసిందో మాటల్లో చెప్పలేను .
పెద్దమ్మ : మా బుజ్జితల్లి ఒక్కసారి ఇష్టపడితే ఇంతే వదలనే వదలదు – బంగారుకొండ అని చేతితో ముద్దుపెట్టి సరే నువ్వే తీసుకెళ్లు మీ అంకుల్ ను – బాబూ …… ఏమనుకోకు కాస్త తొందరగా వస్తావు కదూ , ఎందుకంటే నువ్వు వస్తేనేకానీ పెళ్ళికొడుకు కదలడు – మా బుజ్జితల్లి అమ్మ గుడికి కదలడు – బుజ్జితల్లి తాతయ్య …… ఇక సరే సరి .
పెద్దమ్మా …… నాకోసం …….
పెద్దమ్మ : ఆ దేవుడే వచ్చి చెప్పినా ఇప్పుడు విననే వినరు – నువ్వంటే అంత ఇష్టం అయిపోయావు – స్టార్ట్ చేస్తే నేనూ ఊరుకోను .
పెద్దమ్మా ……. నా అదృష్టం , సరే వెంటనే వచ్చేస్తాను – బుజ్జితల్లీ ఎటువైపు అని అడిగి పైకివెళ్ళాను .

కీర్తీ తల్లీ …… కింద ఉద్వేగ వాతావరణంలో నీ బుజ్జి బార్బీ డ్రెస్ సరిగ్గా చూడలేదు , sooooo క్యూట్ అంటూ బెడ్ పై కూర్చోబెట్టాను . చుట్టూ చూసి ఇల్లు కూడా బాగుంది – మినిట్స్ లో ఫ్రెష్ అయ్యివచ్చేస్తాను అంటూ హైఫై చూయించాను .
బుజ్జితల్లి బుజ్జిచేతితో హైఫై కొట్టి అంతేనా అంకుల్ అని బుంగమూతితో అడిగింది .
మా బుజ్జితల్లి బుంగమూటలో కూడా ముద్దొచ్చేస్తోంది .
బుజ్జితల్లి : ఆ ఆ ముద్దులే అడుగుతున్నాను – ముద్దొస్తోంది అంటున్నారు కానీ వచ్చినప్పటి నుండీ ఎంతో ఆశతో చూస్తున్నాను ఒక్క ముద్దైనా పెట్టారా …… ? – మా మంచి అంకుల్ కు నేనెన్ని ముద్దులుపెట్టాను .
ఓ ఓ …… ఆదా సంగతి , sorry sorry బుజ్జితల్లీ …… ఒక్క ముద్దుతో తనివితీరదు – తెల్లవారుఘామున 5 గంటలకు నా బుజ్జితల్లిని వదిలి వెళ్లిపోయానా 6 గంటలు 7 గంటలు 8 గంటలు 9 10 …. 11 గంటలు అంటే దాదాపు 6 గంటల తరువాత నా ప్రాణాన్ని చూశాక గానీ నా ప్రాణం నిలబడలేదు – నిన్ను చూశాకనే ఈ గుండె నార్మల్ గా కొట్టుకుంది – నీకు దూరంగా ఉన్న ఆ 6 గంటలు నేను నేనులా లేను – అంకుల్ అంటూ పరుగునవచ్చి హత్తుకోగానే ఆ 6 గంటల్లోని ప్రతీ నిమిషం కాదు కాదు ప్రతీ క్షణానికొక ముద్దుపెట్టాలని ఉన్నా ఎంత కంట్రోల్ చేసుకున్నానో తెలుసా …….. ? , ఇప్పటికి కూడా …….
బుజ్జితల్లి : అంకుల్ అంటూ లేచి నామీదకు జంప్ చేసి బుగ్గలపై ముద్దుపెట్టి , అడ్డు ఎవరు అంకుల్ మీకు కానివ్వండి .
నా బుజ్జితల్లీ ….. నా కీర్తీ తల్లీ …… నా బుజ్జి ఏంజెల్ …… నిన్ను మనసారా గుండెలపై హత్తుకున్నాకే నేను శ్వాసిస్తున్నానని తెలిసింది అంటూ నిమిషం పాటు ముద్దులవర్షం కురిపించి , రోజంతా ముద్దులుపెడుతూనే ఉండాలని ఉంది .
బుజ్జితల్లి : నేను రెడీ అంకుల్ …….
కానీ మనం కిందకు వెలితేనే కానీ పెళ్ళిపనులు మొదలుపెట్టరట అంటూ ప్రాణం లా హత్తుకున్నాను .
బుజ్జితల్లి : అంకుల్ ……. నిన్నటివరకూ మమ్మీ వస్తేనే కానీ అమ్మమ్మా – తాతయ్య వాళ్ళు పెళ్ళిపనులు మొదలెట్టము అన్నారు – ఇప్పుడు మీరు వెలితేనే ……. , అంటే మమ్మీ కంటే మీరంటేనే ఎక్కువ ఇష్టం అందరికీ – మిమ్మల్ని దేవుడు అన్నారుకదా …… , ఇప్పుడు నేనూ చెబుతున్నాను మా అంకుల్ నిజంగా దేవుడే …….. లవ్ యు అంకుల్ …….
లవ్ యు అన్నావా బుజ్జితల్లీ నా బుజ్జితల్లీ ……. లవ్ యు లవ్ యు sooooo మచ్ బుజ్జితల్లీ అంటూ మళ్లీ ముద్దులు కురిపిస్తున్నాను .
బుజ్జితల్లి : బుజ్జిబుజ్జినవ్వులు చిందిస్తూనే , అంకుల్ ……. కిందకు వెళ్లాలన్నారు అని గుర్తుచేసే నవ్వుతోంది .
నా ముద్దుల కీర్తీ తల్లి మాయలో పడి మరిచేపోయాను అంటూ ముద్దులుపెడుతూనే వదల్లేక వదల్లేక బెడ్ పై కూర్చోబెట్టి , గేమ్ ఆడుతూ ఉండు ఇలా వెళ్లి అలా వచ్చేస్తాను అని మొబైల్ ఇచ్చి , బ్యాగుతోపాటు బాత్రూమ్లోకి వెళ్ళాను .

బ్యాగులోనుండి బ్రష్ పేస్ట్ తీసుకుని కాలకృత్యాలు తీర్చుకుని ఫ్రెష్ గా తలంటు స్నానం చేసి బ్యాగులోని డ్రెస్ వేసుకుని బయటకువచ్చాను .
బుజ్జితల్లి : నో నో నో అంకుల్ …… , మమ్మీ …… అమ్మమ్మ చేత మావయ్యకోసం కొన్న కొత్త డ్రెస్ మీకోసం పంపించారు .
మావయ్య పెళ్ళికోసం కొన్న డ్రెస్ కదా ……. , ఇష్టంతో తీసుకుని ఉంటాడు కృష్ణ పర్లేదులే …….
బుజ్జితల్లి : ఈ కొత్త డ్రెస్ వేసుకోకపోతే మొదట మమ్మీ ఆ వెంటనే అమ్మమ్మ – మావయ్య చివరగా కాదు కాదు ముఖ్యంగా నేను ఏడుస్తాను .
అమ్మో అమ్మో ……. న బుజ్జితల్లి కంట కన్నీళ్లు చూస్తే ఈ అంకుల్ తట్టుకోగలడా వెంటనే మార్చేసుకుంటాను . 
బుజ్జితల్లి : గుడ్ బాయ్ అంటూ అందించి అటువైపుకు తిరిగింది .
హ హ హ …… ఉమ్మా ఉమ్మా …… అంటూ డ్రెస్ మార్చుకుని బుజ్జితల్లిని రెండుచేతులతో అమాంతం ఎత్తుకుని ముద్దుచేస్తూ కిందకువచ్చాను – దేవత కనిపించగానే ముద్దులు ఆపేసాను .
బుజ్జితల్లి : మమ్మీ అంటే అంత భయమా అంకుల్ …….
చాలా అంటే చాలా అంటూ చిలిపినవ్వులతో తలదించుకుని బయటకు నడిచాను .
బుజ్జితల్లి : వెనుకకు చూసి అంకుల్ …… మమ్మీ కూడా మీలానే నవ్వుతోంది – డ్రెస్ సూపర్ అంటున్నారు .
వెంటనే వెనక్కు తిరిగిచూస్తే నవ్వడం ఆపేసి కోపంతో చూస్తున్నారు .
ప్చ్ ………

238ic