Naa Autograph Sweet Memories – 51 | ఆటోగ్రాఫ్ స్వీట్ మొమరీస్

Naa Autograph Sweet Memories - 51 | ఆటోగ్రాఫ్ స్వీట్ మొమరీస్ రాము చుట్టూ ఉన్న మార్షల్స్ అతని దగ్గరకు జనం రాకుండా అడ్డంగా నిల్చున్నారు. అక్కడ ఒకతను ఒంటి మీద పెట్రోల్ పోసుకుని నిప్పంటించుకోవడానికి ట్రై చేస్తున్నాడు. అతను ఒంటి మీద పెట్రోల్ పోసుకుని జేబులో ఉన్న అగ్గిపెట్టె తీసుకుని వెలిగించడానికి ట్రై చేస్తున్నాడు. అది చూసి రాము గట్టిగా అరుస్తూ మార్షల్స్ మధ్యలో నుండి వాళ్ళను తోసుకుంటూ పెట్రోల్ పోసుకుంటున్న అతని వైపు పరిగెత్తాడు. రాము అలా పరిగెడతాడని ఊహించని మార్షల్స్ ఒక్కసారిగా తేరుకుని రాము వెనకాలే పరిగెడుతూ, “సార్….ఆగండి….వాడు వెలిగించుకున్నాడంటే మీ ప్రాణాలకే ప్రమాదం….ఆగండి సార్,” అని అరుస్తున్నారు. కాని రాము వాళ్ళ కేకలు పట్టించుకోకుండా పెట్రోల్ పోసుకున్న అతన్ని కాపాడటానికి పరిగెడుతున్నాడు. ఒంటి మీద పెట్రోల్ పోసుకున్న అతను జేబులో ఉన్న అగ్గిపెట్టె కూడా తడిచిపోవడంతో అది వెలగకపోయేసరికి అందులో ఉన్న ఒక్కో అగ్గిపుల్ల తీసుకుని వెలిగించడానికి ట్రై చేస్తూ టెన్షన్ తో చుట్టూ చూస్తున్నాడు. అలా చూస్తున్న అతనికి తన వైపు రాము పరిగెత్తుకుంటూ రావడం చూసి ఇంకా భయంతో చేతిలో ఉన్న అగ్గిపెట్టెని కింద పడేసి చుట్టూ చూసి అక్కడ ఒక ప్రమిదలో దీపం వెలుగుతూ ఉండే సరికి అటు వైపు చూసాడు. రాము కూడా అతను చూస్తున్న వైపు చూసి అతని ఆలోచన పసిగట్టి దీపం వైపు పరిగెత్తాడు. అలా ఇద్దరూ ఒక్కసారే దీపం దగ్గరకు వచ్చారు….రాము వెంటనే అతన్ని పట్టుకుని వెనక్కు లాగి కింద పడేసాడు. కాని అంతలోనే అతని ఫ్యాంట్ దీపానికి అంటుకోవడంతో అతని ఒంటికి ఒక్కసారిగా మంటలు అంటుకున్నాయి. రాముతో పాటు పరిగెత్తుకుంటూ వచ్చిన మార్షల్స్ అక్కడ పక్కనే ఉన్న బకెట్ లో నీళ్ళు తీసుకుని పోసారు. కాని పెట్రోల్ వలన మంటలు చాలా త్వరగా అంటుకున్నాయి….అతని మీద పడిన రాముకి కూడా మంటల సెగ తగలడంతో రాము వెంటనే పక్కకు దూకాడు. పక్కనే ఉన్న దుప్పటి తీసుకుని అతని మీద కప్పి మంటలను ఆర్పేసాడు…..పక్కనే ఉన్న మార్షల్స్ కూడా తమకు దొరికిన దానితో నీళ్ళు తెచ్చి పోసేసరికి మంటలు ఆరిపోయాయి. లోపల హారతి ఇస్తున్న ఒబరాయ్ ఫ్యామిలో వారసులు, కుటుంబ సభ్యులు అందరూ బయటకు వచ్చారు. అక్కడ జరుగుతున్నది చూసి రేణుక పెద్ద మనవడు ముందుకు పరిగెత్తి అతన్ని కాపాడబోయాడు. కాని అంతలోనే రాము పరిగెత్తుకుంటూ వచ్చి అతన్ని కాపాడటంతో అక్కడే ఆగిపోయాడు. అక్కడ ఉన్న వాళ్ళు అంబులెన్స్ కి ఫోన్ చేయడంతో వెంటనే అతన్ని హాస్పిటల్ కి తీసుకెళ్ళారు. పెట్రోల్ పోసుకున్న వ్యక్తి మీద నీళ్ళు పోసినా మార్షల్స్ కింద పడిన రాము పైకి లేపడానికి ముందుకు వచ్చి హారతి ఇస్తూ మధ్యలో బయటకు వచ్చి తమ బాస్ ఫ్యామిలీ మొత్తం అక్కడ నిల్చుని ఉండటం చూసి…..వాళ్ళతో పాటు బాస్ కొడుకు కూడా నిల్చోవడంతో….అతని వైపు, కింద పడి ఉన్న రాము వైపు మార్చి మార్చి చూస్తున్నారు. మార్షల్స్ అలా ఎందుకు చూస్తున్నారో అర్ధం కాని రేణుక పెద్ద కొడుకు వాళ్ళ వైపు చూసి, “అలా కళ్ళప్పగించి చూస్తున్నారేంటిరా. ముందు అతనిని పైకి లేపి దెబ్బలేమైనా తగిలాయో చూడండి,” అన్నాడు. మార్షల్స్ రాముని పైకి లేపడానికి ముందుకు వస్తుండగా రేణుక పెద్ద మనవడు వాళ్ళను ఆగమన్నట్టు సైగ చేసి ముందుకు అడుగులు వేసి రాము దగ్గరకు వచ్చి అతని భుజం మీద చెయ్యి వేసి రెండు చేతులు పట్టుకుని పైకి లేపుతూ, “మీకు ఎలా థాంక్స్ చెప్పాలో అర్ధం కావడం లేదు…పెట్రోలు పోసుకుని సూసైడ్ చేసుకోవడానికి ట్రై చేసిన అతను మా కంపెనీలో ఎంప్లాయ్… .సమయానికి వచ్చి అతన్ని రక్షించి మంచి పని చేసారు….లేకపోతే అతనికి ఏదైనా అయితే ఇంత సంతోషమైన రోజు మేమందరం బాధ పడాల్సి వచ్చేది,” అంటూ రాముని పైకి లేపి తన వైపుకు తిప్పుకుని రాముని చూసి ఒక్కసారిగా ఆశ్చర్యంతో తాను చూస్తున్నది కలా నిజమా అన్నట్టు అలాగే రాము వైపు కన్నార్పకుండా చూస్తున్నాడు. కారణం ఏంటంటే రాము కూడా అచ్చం తనలాగే ఉండటంతో ఇన్నేళ్ళు తన నానమ్మ చెప్పిన అతను ఇతనేనా అన్నట్టు చూస్తున్నాడు. రాము తమ వైపు తిరిగిన తరువాత అతన్ని చూసిన ఒబరాయ్ ఫ్యామిలీ కూడా ఆశ్చర్యంతో, ఆనందంతో అలాగే నోట మాట రాక రాము వైపు కన్నార్పకుండా చూస్తున్నారు. రేణుక కూడా ఆనందగా రాము వైపు చూసి నోట మాట రాక అలాగే చూస్తున్నది. గుళ్ళో ఉన్న వాళ్ళందరూ కూడా రాము, ఒబరాయ్ ఫ్యామిలీలో పెద్ద మనవడు అచ్చుగుద్దినట్టు ఒకేలా ఉండటంతో అలాగే ఏం జరగబోతుందా అని చూస్తున్నారు. అందరు ఎవరి ఆనందంలో వాళ్ళు, ఆశ్చర్యంలో వాళ్ళు ఉండగా మీడియా వాళ్ళు వెంటనే రాముని, మనవడిని కలిపి ఫోటోలు తీస్తూ, వాళ్ళిద్దరి ఫోటోలతో పాటు ఒబరాయ్ ఫ్యామిలీ ఫోటోలు టకటక తీస్తున్నారు. రాము వాళ్ళని చూసిన ఆనందం నుండి తేరుకుని రేణుక వైపు చూసి, “రేణూ……” అని పిలిచాడు. అప్పటి దాకా తాను చూస్తున్నది కలా నిజమా అన్న సందిగ్ధంలో ఉన్న ఆమె ఒక్కసారిగా ఉలిక్కిపడ్డి రాము వైపు చూసి చిన్నగా తడబడుతున్న అడుగులతో దగ్గరకు వచ్చి రాముని గట్టిగా వాటేసుకుని ఆనందంతో ఏడుస్తూ, “మా దగ్గరకు రావడానికి ఇన్నేళ్ళు పట్టిందా రాము…..నీ కోసం ఎంతలా ఎదురు చూసానో తెలుసా,” అన్నది. రాము కూడా రేణుక చుట్టూ చేతులు వేసి కౌగిలించుకుని ఆమె భుజం మీద తల పెట్టి కళ్ళు మూసుకున్నాడు. అంతలో రేణుక పెద్ద కొడుకు రాము దగ్గరకు వచ్చి అతని భుజం మీద చెయ్యి వేసి, “నాన్నా…..” అంటూ పిలిచాడు. అతనితో పాటు చిన్న కొడుకు, కూతురు కూడా రాము దగ్గరకు వచ్చారు. రాము కూడా తన పిల్లలు పెద్దవాళ్ళయి, వాళ్ళకు కూడా పెళ్ళి కావాల్సిన పిల్లలు ఉండటం చూసి ఆనందంగా వాళ్ళను కౌగిలించుకున్నాడు. అలా కొద్దిసేపు ఉన్న తరువాత అందరూ తేరుకున్నారు. రేణుక రాము వైపు ఆనందంగా చూస్తూ, “రాము….ఇక ఇంటికి వెళ్దాం పద,” అన్నది. దాంతో అందరు ఇంకా రెట్టించిన ఆనందంతో వినాయకుడికి హారతి ఇచ్చి ఇంటికి బయలుదేరారు. గుడి లోనుండి బయటకు వచ్చేంత వరకు రేణుక రాము చేతిని పట్టుకునే ఉన్నది. పూజ అయిపోయిన తరువాత అందరూ బయటకు వచ్చారు. (ఫ్లాష్ బ్యాక్ అయిపోయింది) మొత్తం చెప్పడం పూర్తయిన తరువాత రాము తన వాళ్ళందరి వైపు చూసి, “ఇదిరా జరిగింది…..” అన్నాడు. రాము జరిగింది చెప్పడం పూర్తి అయిన తరువాత అందరూ అక్కడే ప్రశాంతంగా నిద్ర పోయారు. ఆ తరువాత వారం రోజులు రాముకి తన కొడుకులు, కోడళ్ళు, మనమలు, మనమరాళ్ళతో ఆనందంగా గడిపాడు. ఆ వారం రోజులు ఎంత తొందరగా గడిచిపోయాయో రాముకే అర్ధం కాలేదు. గుడి లోనుండి బయటకు వచ్చేంత వరకు రేణుక రాము చేతిని పట్టుకునే ఉన్నది. పూజ అయిపోయిన తరువాత అందరూ బయటకు వచ్చారు. (ఫ్లాష్ బ్యాక్ అయిపోయింది) మొత్తం చెప్పడం పూర్తయిన తరువాత రాము తన వాళ్ళందరి వైపు చూసి, “ఇదిరా జరిగింది…..” అన్నాడు. రాము జరిగింది చెప్పడం పూర్తి అయిన తరువాత అందరూ అక్కడే ప్రశాంతంగా నిద్ర పోయారు. ఆ తరువాత వారం రోజులు రాముకి తన కొడుకులు, కోడళ్ళు, మనమలు, మనమరాళ్ళతో ఆనందంగా గడిపాడు. ఆ వారం రోజులు ఎంత తొందరగా గడిచిపోయాయో రాముకే అర్ధం కాలేదు. ఎప్పుడు ఫ్యాక్టరీకి సెలవు పెట్టని శివరామ్ కూడా ఆ వారం రోజులు రాముతో పాటే ఉన్నాడు. ఒక రకంగా చెప్పాలంటే ఒబరాయ్ ఫ్యామిలీ మొత్తం వారం రోజుల పాటు వెకేషన్ లో ఉన్నారనే అనుకోవాలి. ఆ వారం రోజులు అందరు తమకు నచ్చింది చేస్తూ….రాముతో జోకులు వేస్తూ….ఆడుకుంటూ చాలా ఆనందంగా గడిపారు. తరువాత రోజు రాము ఫోన్ లో మెయిల్స్ చెక్ చేసుకుంటుండగా సివిల్స్...