రాము : మానసా…నువ్వు మెడిసిన్ ఎక్కడ చేసావు….(అంటూ నవ్వాడు.)
రాము అలా అనగానే మానస తన డెస్క్ లోనుండి తన డాక్టర్ సర్టిఫికేట్ తీసి చూపించింది.
రాము : అదేంటి….సర్టిఫికేట్ డెస్క్ లో పెట్టుకున్నావు…..
మానస : ఏం చేస్తాం….నీలాంటి వాళ్ళకు డౌట్ వస్తే తీర్చాలి కదా…..
రాము : అబ్బా…ఏదో సరదాకి అన్నాను వదిలెయ్….
మానస : ఇందులో తప్పేం లేదు రాము…నువ్వు యూనిఫామ్ లో లేనప్పుడు…మీరు ఎవరని అడిగితే మీ ID కార్డ్ చూపిస్తారు కదా….అలాగే ఇది కూడా….(అంటూ నవ్వింది.)
మానస అలా అనడంతో రాము కూడా నవ్వుతూ ఆమె వైపు చూసాడు.
మానస : నువ్వు భయపడుతున్నావు రామూ…..
మానస అలా అనగానే రాము వెంటనే తల ఎత్తి ఆమె వైపు చూసి….
రాము : ఏంటి….ఏమన్నావు…..
మానస : నువ్వు ఇంకా ఆ ఇన్సిడెంట్ ని మర్చిపోలేదు రామూ….భయపడుతున్నావు….అందుకని నా మాట విని డ్యూటీలో తరువాత జాయిన్ అవ్వు రామూ….అది నీ హెల్త్ కి మంచిది కాదు…..
రాము : నేను భయపడుతున్నానని ఎలా చెప్పగలుగుతున్నావు…..
మానస : ఎలా అంటే….నేను డాక్టర్…నువ్వు పేషెంట్ వి కాబట్టి….ఇక్కడకు వచ్చాక నేను పర్సనల్ రిలేషన్స్ చూడను…నా పేషంట్ కండీషన్ మాత్రమే చూస్తాను….

మానస అలా అనే సరికి రాముకి చిర్రెత్తుకొచ్చింది…
రాము : నిజంగానే నువ్వు పిచ్చి డాక్టర్ లాగే మాట్లాడుతున్నావు….
మానస : ఇంత కోపం ఎందుకు రామూ…నేను కరెక్ట్ గానే గెస్ చేసాను…నువ్వు భయపడుతున్నావని తెలుసుకోవడానికె ఇందాక నేను ఊరకనె అలా అన్నాను….నువ్వు ఇప్పుడు చాలా కోపంగా ఉన్నావు….ఒక మనిషికి కోపం ఎంత వస్తే అంత భయం ఉన్నట్టు…
ఆ మాట వినగానే రాము క తనను తాను కంట్రోల్ చేసుకోలేకపోయాడు.
వెంటనే చైర్ లో నుండి లేచి మానస వైపు కోపంగా చూస్తూ….
రాము : ఏయ్ మెంటల్….నాకు నీ సర్టిఫికేట్ ఏమీ అక్కర్లేదు….(అంటూ అక్కడ నుండి వెళ్ళిపోయాడు.)
రాము అక్కడ నుండి నేరుగా తన ఆఫీస్ కి వచ్చాడు.
అప్పటికే ప్రసాద్ వచ్చి రాము కోసం ఎదురుచూస్తున్నాడు.
రాము ఆఫీస్ లోకి వచ్చిన తరువాత అతని వెనకాలే ప్రసాద్ కూడా కేబిన్ లోకి వచ్చాడు.
రాము తన చైర్ లో కూర్చుంటూ, “కూర్చో ప్రసాద్….” అన్నాడు.
రాము అసహనంగా ఉండటం చూసి ప్రసాద్, “ఏంటి సార్….ఎమయింది,” అన్నాడు.
రాము : దీనికి బాగా ఎక్కువైంది….ఎలా పడితే అలా మాట్లాడుతుంది….
ప్రసాద్ : ఎవరు సార్….అంత ఇరిటేషన్ గా ఉన్నారు….
రాము : సర్టిఫికేట్ కోసం వెళితే….ఏదో దాని ఆస్థి అడిగినట్టు ఫీలయిపోయి ఏదోదో మాట్లాడుతున్నది….(అంటూ జరిగింది మొత్తం వివరంగా చెప్పాడు.)

ప్రసాద్ : సరె…ఆ విషయం వదిలేయండి సార్….నాకు తెలిసిన ఒక డాక్టర్ ఉన్నాడు…ఆ సర్టిఫికేట్ ఇప్పుడే తెప్పిస్తాను…(అంటూ ఎవరికో ఫోన్ చేసి రాము వివరాలు మొత్తం చెప్పి సర్టిఫికేట్ ఆఫీస్ కి పంపించమని చెప్పి ఫోన్ పెట్టేసి…రాము వైపు చూసి) సార్….గంటలో సర్టిఫికేట్ వచ్చేసుద్ది….మీరు ఫ్రీ అవండి…
రాము : థాంక్స్ ప్రసాద్….
ప్రసాద్ : అవన్నీ మన మధ్య ఎందుకు సార్….మనం కేసు చూద్దాం పదండి….
*******
తరువాత రోజు మానస ఒక షాపింగ్ మాల్ లో తనకు కావలసినవి తీసుకుని బిల్ వేయిస్తున్నది.
అంతలో ఒకతను వచ్చి తను తీసుకున్నవాటికి బిల్ వేయిస్తున్నాడు.
ఇద్దరూ ఒకేసారి బిల్ పేచేసి వస్తుంటే….అతను మానస వైపు చూసి, “మిమ్మల్ని ఎక్కడో చూసినట్టున్నది…మీరు స్టూడెంటా,” అనడిగాడు.
దాంతో మానస రొటీన్ డైలాగ్ వినీ వినీ బోర్ కొట్టినట్టు అతని వైపు చూసింది.

మానస చూపు లోని భావం అర్ధమయిన ఆయన వెంటనే, “ఓహ్…నన్ను తప్పుగా అనుకోవద్దు…నిజంగానే చూసినట్టు అనిపించింది…అందుకే అడిగాను…” అన్నాడు.
ఆయన ఆమాట అనగానే మానస చిన్నగా నవ్వుతూ, “థాంక్స్….కాని నేను డాక్టర్ ని….సైక్రియాటిస్ట్ ని,” అన్నది.
“అవునా…నేను కూడా సైకాలజీ చదివాను…దాని తరువాత బిజినెస్ మేనేజ్ మెంట్….బిజినెస్ అంటూ లైఫ్ గడిచిపోతున్నది,” అంటూ అతను తన జేబులోని విజిటింగ్ కార్డ్ తీస్తూ, “నా పేరు సతీష్…..” అంటూ ఇంకా ఏదో చెప్పబోతుండగా….మానస అతన్ని మధ్యలోనే ఆపుతూ….
మానస : తెలుసు…మీరు ఎవరో కూడా నాకు తెలుసు…మీరు మోటివేషనల్ స్పీచెస్ ఇస్తుంటారు కదా….
సతీష్ : అవునా….నేను పరిచయం చేసుకోకుండానే…నేను ఎదుటి వాళ్ళకు పాపులర్ అయ్యేంత ఎదిగానని నాకు అసలు తెలియదు….(అంటూ సంతోషంగా నవ్వాడు.)

సతీష్ ఒక్కసారి మానస వైపు కింద నుండి పైదాకా చూసి, “సరె….బై,” అని అక్కడ నుండి వెళ్ళిపోయాడు.
మానస చిన్నగా నవ్వుకుంటూ షాపింగ్ మాల్ లోనుండి బయటకు వచ్చింది.
అప్పుడే రాము ఒక క్రిమినల్ ని పట్టుకుని కొడుతూ కాలర్ పట్టుకుని తన కార్ దగ్గరకు తీసుకెళ్తున్నాడు.
రాము అతన్ని కార్లోకి తోసి డోర్ వేసాడు….ఆ క్రిమినల్ కి రెండు వైపులా ఇద్దరు కానిస్టేబుల్స్ కూర్చున్నారు.
కాని అప్పుడే షాపింగ్ మాల్ లోనుండి బయటకు వచ్చి తనను చూస్తున్న మానసను మాత్రం రాము చూడలేదు.
రాము కార్లో కూర్చోగానే డ్రైవర్ కార్ అక్కడ నుండి పోనిచ్చాడు.
రాము డ్యూటీలో జాయిన్ అవడం గమనించిన మానస తన కారు తీసుకుని రాము కారుని ఫాలో అవడం మొదలుపెట్టింది.
రాము కారు వెళ్తుంటే లోపల ఉన్న క్రిమినల్ రాముని బ్రతిమలాడుతూ….
క్రిమినల్ : సార్….ఆరోజు నా వెంటబడ్డారు…వేరే ఎవరో మిమ్మల్ని చంపాలని ట్రై చేసారు….
వాడు ఆ మాట అనగానే రాము నీకెలా తెలుసురా అన్నట్టు అతని వైపు చూసాడు.
క్రిమినల్ : సార్ తరువాత మీ వాళ్ళు నన్ను పట్టుకుని నాలుగు రోజులు కుమ్మేసారు…అప్పుడు తెలిసింది సార్…అది మనసులో పెట్టుకుని నన్ను ఎన్ కౌంటర్ చేయకండిసార్…..
ప్రసాద్ : అబ్బా….నిన్ను అంత ఈజిగా ఎలా వదిలేస్తాంరా….ఈ సారి నీ కోటింగ్ తగ్గిస్తాలే….సార్ కోటా సారే ఇస్తారు….
ప్రసాద్ అలా అనగానే రాము చిన్నగా నవ్వుతూ ఏదో చెప్పబోతుండగా తన ఫోన్ మోగడంతో లిఫ్ట్ చేసి….
రాము : సార్….చెప్పండి….(ఫోన్ లొ కమీషనర్ చెప్పింది వింటూ….) అలాగే సార్….నేను ఇప్పుడే వెళ్తాను….(అంటూ డ్రైవర్ వైపు తిరిగి వెళ్ళాల్సిన అడ్రస్ చెప్పాడు.)

వాళ్ళు అక్కడకు చేరుకునే సరికి పది నిముషాలు పట్టింది.
పెద్ద బంగళా ముందు పోలీసులు తమ పని తాము చేసుకుంటున్నారు.
రాము, ప్రసాద్ ఇద్దరూ కారు దిగి బంగళా లోకి వెళ్ళారు.
అక్కడ ఉన్న SI వీళ్ళిద్దరూ రావడం చూసి దగ్గరకు వచ్చి సెల్యూట్ చేసాడు.
రాము : మర్డరే కదా….suiside లాంటి confuse ఏం లేదు కదా….
యస్సై : లేదు సార్….మర్డరే….మర్డర్ అయింది టీవి సీరియల్ ఆర్టిస్ట్….షూటింగ్ అయిపోయిన తరువాత బాగా లేట్ నైట్ వచ్చింది….ఆమెతో పాటు పర్సనల్ మేకప్ మేన్ మాత్రమే ఉన్నారు…ఫింగర్ ప్రింట్లని టెస్ట్ కోసం లేబ్ కి పంపించాము…కాని ఇప్పుడు అతని నెంబర్ నాట్ రీచబుల్ వస్తుంది….రేప్ చేసినట్టు ఎవిడెన్స్ లు ఉన్నాయి సార్….
రాము : ప్రెస్ కి న్యూస్ ఏమైనా లీక్ అయిందా….
యస్సై : లేదు సార్….ఎక్కడా లీక్ అవలేదు సార్….కాని D.I.G సార్ నుండి కాల్ వచ్చింది….
రాము : D.I.G నుండా….
యస్సై : అవును సార్….
రాము : అంత పెద్ద హీరోయినా….
యస్సై : ప్రస్తుతం లీడింగ్ లో ఉన్నది సార్….పేరు హంస….
అలా మాట్లాడుకుంటూ ముగ్గురూ లోపలికి వెళ్లారు.
రాము, ప్రసాద్ మర్డర్ స్పాట్ లోకి వెళ్లారు.
ఇద్దరూ చేతులకు గ్లౌస్ లు వేసుకుని అక్కడ అంతా క్లూస్ ఏమైన దొరుకుతాయేమో అని చూస్తున్నారు.
రాము మెట్లు ఎక్కుతూ అక్కడ ఒకతను మోర్ సిగిరెట్ పీకను తీసి కవర్ లో వేస్తుండటం చూడగానే రాముకి ఇంతకు ముందు జిమ్ ట్రైనర్ అశోక్ కూడా మోర్ సిగిరెట్ తాగడం గుర్తుకొచ్చింది.
దాంతో రాము ఆలోచిస్తూ చిన్నగా మెట్లు ఎక్కుతూ మర్డర్ జరిగిన రూమ్ లోకి వెళ్ళగానే అక్కడ గోడ మీద రక్తంతో చేతులు తుడిచినట్టు రక్తం మరకలు కనిపించాయి.
మళ్ళీ రాముకి ఇంతకు ముందు అశోక్ కూడా హత్య చేసి రక్తంతో తడిచిన తన చేతులను గోడకు తుడవడం గుర్తుకొచ్చింది.
ఆ హత్య కూడా దాదాపుగా అలాగే జరిగినట్టు అనిపించడంతో లోపలికి వచ్చిన రాముకి అక్కడ ఉన్న వస్తువులు చిందర వందరగా పడి ఉండటంతో ఏం జరిగిందో పూర్తిగా అర్ధమైపోయింది.

హంసని రేప్ చేసిన తరువాత అతను హత్య చేసి పారిపోవడంతో….ఆమె డెడ్ బాడీని చూసిన రాముకి కళ్ళు తిరగడం మొదలయింది.
ఇంతకు ముందు ఎన్నో కేసుల్లో ఇంతకంటే ఘోరమైన డెడ్ బాడీలను చూసినా చలించని రాము…తలకు దెబ్బ తగిలిన దగ్గర నుండీ డెడ్ బాడీని చూడగానే తల తిరుగుతున్నట్టు అనిపించి వెంటనే అక్కడ నుండి బయటకు వచ్చేసాడు.
దాంతో ప్రసాద్ అక్కడ ఉండి అన్ని ఫార్మాలిటీస్ పూర్తి చేయించాడు.
అక్కడ నుండి రాము తను అప్పుడప్పుడు రెస్ట్ తీసుకునే ఫ్లాట్ దగ్గరకు వచ్చి వాచ్‍మెన్ దగ్గర తన ఫ్లాట్ కీ తీసుకుని లోపలికి వెళ్ళి డ్రస్ మార్చుకుని కళ్ళు మూసుకుని పడుకున్నాడు.
అలా పడుకున్న కొద్దిసేపటికి కాలింగ్ బెల్ మోగిన సౌండ్ వినిపించడంతో రాము వెంటనే అలర్ట్ అయ్యి బెడ్ మీద నుండి కిందకు దిగి చిన్నగా మెయిన్ డోర్ దగ్గరకు వెళ్ళి తలుపు తీసి ఎవరా అని చూసాడు.
ఎదురుగా మానస నిల్చుని ఉండటంతో రాము నిజమా కాదా అన్నట్టు కళ్ళు నలుపుకుంటూ చూస్తున్నాడు.

దాంతో మానస రాము చేతిని వదిలి కింద పడిపోయింది.
అప్పుడే రాము కోసం వచ్చిన ప్రసాద్ మొదటిసారి రాము కోపంగా మానసని కొట్టడం చూసి బిత్తరపోయాడు.
ప్రసాద్ వెంటనే రాము దగ్గరకు వచ్చి, “సార్….సార్….ఏంటి…ఆ కోపం” అంటూ ఆపడానికి ట్రై చేసాడు.
కాని రాము మాత్రం ప్రసాద్ ని కూడా పట్టించుకోకుండా అక్కడ నుండి బయటకు వచ్చేసాడు.
మానస మాత్రం దెబ్బ గట్టిగా తగలడంతో కళ్ళెమ్మటి నీళ్ళు కారుతుండగా చేతిని చెంప మీద పెట్టుకుని రుద్దుకుంటూ రాము వైపు చూస్తున్నది.
ప్రసాద్ కూడా ఒక్కసారి మానస వైపు చూసి వెంటనే, “సార్…ఏమయింది సార్….ఆగండి….ఒక్కసారి ఆగండి సార్,” అంటూ రాము వెనకాలే నడుస్తున్నాడు.
రాము చాలా చిరాగ్గా….డిస్ట్రబ్‍డ్ గా ఉండే సరికి ఏమీ ఆలోచించలేకపోతున్నాడు.
ప్రసాద్ వేగంగా నడుచుకుంటూ రాము ముందుకు వచ్చి అతన్ని ఆపుతూ, “సార్…ప్లీజ్ సార్….అగండి…ఏమయింది,” అంటూ రాము కండీషన్ చూసి ఏదో అర్ధమయిన వాడిలా తల ఊపుతూ, “సార్…ప్రాబ్లం ఏం లేదు….మా ఇల్లు ఇక్కడ పక్కనే ఉన్నది…ఒక్క గంట రెస్ట్ తీసుకోండి…టెన్షన్ మొత్తం తీరిపోతుంది….బాగా అలసిపోయి కనిపిస్తున్నారు సార్,” అంటూ రాముకి సర్ది చెప్పి కారులో ఎక్కించుకుని తన ఇంటికి తీసుకెళ్ళాడు.
అలా రాము కారు ఎక్కి వెళ్తుంటే మానస కిందకు వచ్చి రాము వెళ్తున్న వైపే చూస్తు నిల్చున్నది.

ఇంటికి వెళ్ళిన తరువాత ప్రసాద్ కారు దిగి రాముని తన ఇంటి లోపలికి తీసుకెళ్ళాడు.
లోపలికి వెళ్లగానే తులసి వాళ్ళకు ఎదురువచ్చి రాముని పలకరిస్తూ, “రామూ….ఎలా ఉన్నారు,” అనడిగింది.
రాము సమాధానం చెప్పబోతుండగా ప్రసాద్ మధ్యలో కల్పించుకుని, “సరె…సరె….అవన్నీ తరువాత మాట్లాడుకుందాం ….సార్ కొంచెం రెస్ట్ తీసుకుంటారు,” అన్నాడు.
దాంతో తులసి కూడా కంగారుగా, “ఏమయింది రాముకి,” అంటూ దగ్గరకు వచ్చి రాము నుదురు మీద చెయ్యి పెట్టి చూస్తున్నది.
రాము చిన్నగా నవ్వుతూ, “అదేం లేదు తులసి…కొంచెం టెన్షన్‍గా ఉన్నది…తల తిరుగుతున్నట్టు ఉన్నది,” అన్నాడు.
“అయ్యో….సరె…నువ్వు రెస్ట్ తీసుకో….నేను టీ చేసి పంపిస్తాను,” అంటూ తులసి కంగారుగా రాము చెయ్యి పట్టుకుని బెడ్ రూమ్ లోకి తీసుకెళ్ళి పడుకోబెట్టింది.
అంతలో ప్రసాద్ కూడా బెడ్‍రూమ్ లోకి వచ్చి రాము సరిగ్గా పడుకోవడంలో హెల్ప్ చేస్తున్నాడు.
రాము పడుకున్న తరువాత తులసి కాళ్ళ దగ్గరకు వచ్చి షూస్ విప్పేసి కింద పెట్టేసి దుప్పటి కప్పి, “రామూ…లెమన్ వాటర్ తీసుకువస్తాను….తల తిరగడం తగ్గుద్ది,” అంటూ అక్కడ నుండి బయటకు రాబోయింది.
కాని రాము వెంటనే తులసి చేయి పట్టుకుని ఆపుతూ, “వద్దు తులసి…ఒక్క గంట నిద్ర పోతే అదే తగ్గిపోతుంది… నువ్వు కంగారుపడకు,” అన్నాడు.
“సరె….రామూ….రెస్ట్ తీసుకో,” అంటూ తులసి ప్రసాద్ వైపు చూస్తూ, “మీరు కూడా బయటకు పదండి…” అంటూ బెడ్‍రూమ్ లోనుండి బయటకు వచ్చింది.

ప్రసాద్ కూడా తులసి వెనకాలే బయటకు వచ్చి తలుపు వేసి హాల్లోకి వచ్చి కూర్చున్నాడు.
వాళ్ళిద్దరూ వెళ్ళిపోయిన తరువాత రాము కళ్ళు మూసుకుని పడుకుందామని ట్రై చేస్తున్నాడు.
కాని నిద్ర పట్టక అటూ ఇటూ దొర్లుతున్నాడు….కళ్ళ ముందు ఏవో దృశ్యాలు మసకమసకగా కనిపిస్తూ రాముని కుదురుగా ఉండనివ్వడం లేదు.
కింద తులసి వంట పనిలో పడిపోయింది.
ప్రసాద్ టీవి ఆన్ చేసి న్యూస్ పెట్టుకుని చూస్తున్నాడు.
పది నిముషాలు గడిచేసరికి కాలింగ్ బెల్ మోగడంతో ప్రసాద్ తన మనసులో, “ఈ టైంలో ఎవరు వచ్చారు,” అనుకుంటూ సోఫాలో నుండి లేచి డోర్ తీసాడు.
డోర్ తీయగానే ఎదురుగా నిల్చున్న మానసని చూసి ఆశ్చర్యపోయాడు.
ప్రసాద్ అలా చూస్తుండగానే మానస లోపలికి వచ్చి, “రాము ఎక్కడున్నాడు,” అనడిగింది.
ప్రసాద్ : ఆయన్ని డ్యూటీలో జాయిన్ అవద్దని చెప్పింది మీరే కదా….
మానస : అవును….నేను చెప్పింది కరెక్టే కదా….
ప్రసాద్ ఎవరితోనో మాట్లాడుతుండటం విన్న తులసి కూడా కిచెన్ లోనుండి హాల్లోకి వచ్చింది.
మానస : నేను చెప్పినట్టు వింటే….రాముకి ఈ పరిస్థితి వచ్చి ఉండేది కాదు కదా….
తులసి : ఇంతకు రాము గారికి ఏమయింది….(అంటూ కంగారుగా మానస వైపు చూసింది.)
ప్రసాద్ : తులసీ….నువ్వు ఒక్క నిముషం మెదలకుండా ఉండు….రాము సార్ కి ఏమీ అవలేదు…(అంటూ రాము పడుకున్న బెడ్ రూమ్ వైపు చూసి….మళ్ళీ మానస వైపు డౌట్ గా చూసాడు.)
ప్రసాద్ చూపుని బట్టి రాము ఎక్కడ ఉన్నాడో అర్ధమయిన మానస బెడ్ రూమ్ వైపు వెళ్ళబోయింది.
కాని ప్రసాద్ ఆమెని ఆపుతూ….
ప్రసాద్ : ఆగండాగండి….ఎక్కడకు వెళుతున్నారు….
మానస : చూడండి…రాముకి అర్జెంటుగా ఈ ఇన్‍జక్షన్ వేయాలి….లేకపోతే ప్రాబ్లం ఇంకా ఎక్కువయిపోయిద్ది…(అంటూ తన హ్యాండ్ బ్యాగ్ లో ఉన్న ఇన్‍జక్షన్ తీసి ప్రసాద్ కి చూపించింది.)
కాని ప్రసాద్ మాత్రం మానస మాటలను పట్టించుకోకుండా, “ఇప్పుడు దీని అవసరం ఏమీ లేదు…ఆయన్ని బెడ్‍రూమ్ లో పడుకోబెట్టినప్పుడు…మామూలుగానే ఉన్నారు…కొంచెం కొంచెంగా నార్మల్ అవుతున్నారు…నిద్రపోతే సరిపోతుంది,” అన్నాడు.
దాంతో ఇక మానసకి ప్రసాద్ తో మాట్లాడి ఉపయోగం లేదని అర్ధమయ్యి ప్రసాద్ వైపు చూసి, “అవునా…సరె…ఒక్కసారి బెడ్‍రూమ్ లోకి వెళ్ళి చెక్ చేయండి….రాము నిద్ర పోతున్నాడో లేదో మీకే అర్ధమవుతుంది,” అన్నది.
మానస అంత కాన్ఫిడెంట్‍గా చెప్పేసరికి ప్రసాద్ ఒక్కసారి మానస వైపు చూసి చిన్నగా మెట్లు ఎక్కి రాము పడుకున్న బెడ్‍రూమ్ తలుపు తీసి చూసాడు.
ప్రసాద్ వెనకాలే తులసి కూడా వెళ్ళి బెడ్‍రూమ్ లోకి చూసింది.
లోపల రాము నిద్ర పోకుండా బెడ్ మీద కూర్చుని తల వెనక్కు గోడకు చిన్నగా కొడుతూ రెండు చేతుల వేళ్ళతో తలకు రెండు వైపులా కణతలు నొక్కుకోవడం చూసి ప్రసాద్, తులసి ఇద్దరూ బిత్తరపోయారు.