సైఫ్ నా బిడ్డను హత్య చేశాడు.. అన్ని ఆధారాలు పోలీసులకు పంపాను: ప్రీతి తండ్రి
సైఫ్ నా బిడ్డను హత్య చేశాడు.. అన్ని ఆధారాలు పోలీసులకు పంపాను: ప్రీతి తండ్రి
సైఫ్ నా బిడ్డను హత్య చేశాడు.. అన్ని ఆధారాలు పోలీసులకు పంపాను: ప్రీతి తండ్రి
సీనియర్ల వేధింపులు తాళలేక.. మెడికో ప్రీతి ఆత్మహత్యాయత్నం చేసి మృతి చెందింది. ఆమె మరణంపై అనేక అనుమానాలు వ్యక్తం అవుతున్నాయి. ఈ క్రమంలో ప్రీతి తండ్రి నిందితుడు సైఫ్ మీద సంచలన ఆరోపణలు చేశాడు.
సుమారు ఐదు రోజుల పాటు.. మృత్యువుతో పోరాడి.. ఆదివారం రాత్రి తుది శ్వాస విడిచింది వరంగల్ వైద్య విద్యార్థిని ప్రీతి. ఆమె ఆత్మహత్యాయత్నం చేసిన దగ్గర నుంచి రాష్ట్రంలో ఉద్రిక్త పరిస్థితులు నెలకొన్నాయి. ఇక ప్రీతి మృతి చెందిన నేపథ్యంలో ఎన్నో అనుమానాలు, సందేహాలు తెర మీదకు వస్తున్నాయి. ఈ క్రమంలో ప్రీతి తండ్రి నరేంద్ర సంచలన వ్యాఖ్యలు చేశాడు. తన బిడ్డ ప్రీతి ఆత్మహత్య చేసుకోలేదని.. ఆమెను హత్య చేశారని ఆరోపించారు. సైఫ్ తన బిడ్డకు పాయిజన్ ఇంజక్షన్ ఇచ్చి.. హత్యాయత్నం చేసి.. ప్రీతి అపాస్మరక స్థితిలోకి వెళ్లేవరకు చూశాడని నరేంద్ర ఆరోపించాడు. తన బిడ్డ ప్రీతిని మర్డర్ చేసేందుకు సైఫ్ పక్కా ప్లాన్ చేశాడని.. దాన్ని చక్కగా అమలు చేసి.. ఆత్మహత్యగా చిత్రీకరించేందుకు ప్రయత్నం చేశాడని నరేంద్ర ఆరోపించాడు.
తన బిడ్డది ఆత్మహత్య కాదు.. హత్య అంటున్న ప్రీతి తండ్రి నరేంద్ర.. ఇందుకు సంబంధించి తన దగ్గర అన్ని ఆధారాలున్నాయని.. వాటిని పోలీసులకు పంపానని తెలిపాడు. ఈ ఘటనపై పూర్తి స్థాయిలో నిష్పక్షపాతంగా విచారణ జరిపితే అన్ని వాస్తవాలు వెలుగులోకి వస్తాయని అంటున్నాడు. అంతేకాక కాలేజీలో సైఫ్ వేధింపులు గురించి ప్రీతి తన తల్లితో మాట్లాడిన రికార్డింగులను కూడా పోలీసులకు పంపినట్లు తెలిపాడు. అంతేకాక ఈ వేధింపుల గురించి ప్రీతి తనతో కూడా అనేక సార్లు చెప్పుకుందని.. కానీ తన సెల్లో ఆటోమేటిక్ కాల్ రికార్డ్ ఆప్షన్ పెట్టకపోవడం వల్ల అవన్ని మిస్ అయ్యానని అంటున్నాడు నరేంద్ర.
ఈ విషయాలన్నింటి గురించి సిట్టింగ్ జడ్జితో విచారణ జరిపిస్తే.. అన్ని వాస్తవాలు వెలుగులోకి వస్తాయని అంటున్నాడు ప్రీతి తండ్రి నరేంద్ర. అంతేకాక ప్రీతి ఆత్మహత్యాయత్న చేసిన నాటి నుంచి.. తమ కుమార్తెది హత్యే అని నరేంద్ర ఆరోపిస్తున్నాడు. కానీ పోలీసులు మాత్రం ఆ దిశగా తమ విచారణ చేపట్టకపోవడం పలు అనుమానాలకు తావిస్తోంది. హత్య చేసేందుకు సైఫ్ ప్రయత్నించాడనే ఆరోపణల్లో ఎంతవరకు నిజం ఉందనేది తేల్చాలని పోలీసులను డిమాండ్ చేస్తున్నారు. సైఫ్ను ఉరితీయాలని కొంతమంది డిమాండ్ చేస్తోండగా.. మరికొంతమంది ఎన్కౌంటర్ చేయాలని కోరుతున్నారు. మరి దీనిపై మీ అభిప్రాయాలను కామెంట్స్ రూపంలో తెలియజేయండి.